LA PRUMISSA tantu granni

La Deputazioni e Giuseppi lu so niscenti presidenti

Pinsau a nnà fimmina n’tà lu dumilaventi

Nnà nuvità, sicuramenti

Picchì dopu 445 anni iddu ci cridìu veramenti

Chi nnà fimmina putìa fare di prisidenti

Casu o Vuluntà

Fannu lu nomi di Maria e idda presidenti addivintà

Idda abbita vicinu a la Santa Cruci

E n’tà la via n’Infirmìria puru stà

Casu o Vuluntà

Stà cosa po’ esseri azzardata comu pinsata

Dari a n’ nà fimmina, pì n’nà festa accussì m’purtanti, stà responsabilità

Poi lu coravirus arrivau

La via n’Firmiria si ricurdau

Lu presidenti l’ampurtanza di la cosa ricanuscìu

E anchi si prima stà fimmina umilmente, di li so capacità dubbitau

Di accittari stà granni cosa pinsau

di Giuseppi lu presidenti si ricurdau

Maria fai stù sirvizziu:

“picchì tu tanti nnà vistu e pi lu sociali sempri t’a  spinnutu”

Pinsau d’accittari,allura, stà fimmina comu tanti

Doppu chi accittau, stù novu presidenti

Vitti arrivari un saccu di genti

Picciliddi,fimmini e masculi curaggiusi

Chi cu fidi n’semmula a idda ci cridìu

Cu l’amuri granni a Maria di l’Adienza

A spinnisi, pi granni fari la Sò festa,tutti prisenti

Quantu sustegnu di li fimmini

E di li masculi la forza

Di lu Prisidenti Micheli e Michelangilu

Omini di cori,di fidi e umiltà

Chi all’opira si misiru pi lu Sò amuri

E a Maria SS di l’Adienza dimustraru granni vuluntà

Lu populu risparmia e cu lu cori duna

“Oggi eni la tò festa e tantu tristi semu

Picciliddi,fimmini e omini d’unuri

N’semmula, pi TTìa travagghiamu

Quali vuluntà,la Tò,Maria,difficili capiri lu misteru

Ma natri Sammucara e la Deputazioni tutta

Puru oggi cu forza lu gridamu

Lu Tò nomi ancora e sempri ripitemu

Lu nostru m’pignu,lu nostru sirvizziu n’tà li Tò mani mittemu

La voluntà Tò e chidda di lu Signuri natri facemu

E a gran coru ti dicemu

“puru n’tà lu dumilaventunu,la Tò festa cu amuri organizzamu”

Proteggi sempri lu Tò populu di Sammuca

E di tuttu lu criatu

Attìa n’affidamu e cu fidi ti prìamu.

Mariella Mulè